"Manchester Yunayted" bosh murabbiyi Joze Mourino jamoaning yozgi transfer ishlari yuzasidan o'z fikrlarini bildirib o'tdi.

"Hamisha ko'prog'ini istardim. Transferlar borasida vaziyatni yaxshilashimiz mumkinligini his qilib turibman. Shuning uchun hozircha amalga oshirilgan xaridlardan to'la qoniqish hosil qildim, deb ayta olmayman. Bilaman, bu og'ir ish va hech kimni ayblamayman. Real holat shunday. Narxlar juda tez o'smoqda. Bu esa ba'zi o'yinchilarni xarid qilish imkoniyatini yo'qqa chiqarmoqda.

Yozda 4 nafar futbolchini sotib olishni rejalashtirgandik. Agar uchinchi o'yinchi bilan shartnoma imzolasak va shu bilan cheklansak, men bundan qoniqish hosil qilaman. Hozirgi kunda transfer bozorida ishlash og'ir ekanini bilaman", – dei Mourino.

Eslatib o'tamiz, yozgi transfer paytida "Manchester Yunayted" "Benfika" himoyachisi Viktor Lindelyof va "Everton" hujumchisi Romelu Lukaku bilan shartnoma imzoladi.