«Barselona» hujumchisi Neymar «PSJ» bilan shaxsiy shartnoma borasida kelishuvga erishdi.

Marca xabariga ko'ra, futbolchining otasi parijliklar sport direktori Antero Enrike bilan uchrashib, shartnoma bandlarini muhokama qilib oldi. Unga ko'ra, «PSJ» Neymarning transferi uchun 222 mln evro to'laydi. Futbolchining o'zi esa 6 yillik shartnoma imzolab, jami 180 mln evro ishlab oladi.

Eslatib o'tamiz, Neymar «Barselona» tarkibida 2013 yildan buyon o'ynamoqda. U jami 186 o'yinda maydonga tushib, 105ta gol urgan va 80ta golga hammualliflik qilgan.