«Monako» klubi hujumchi Kiliana Mbappening transferi borasida «Real» bilan qat'iy kelishuvga erishilganini inkor qildi. Bu haqda Nice-Matin nashri xabar tarqatdi.

Bugun ispan OAV "Madrid" 18 yoshli futbolchining transferini 180 million evroga sotib olish borasida kelishuvga erishgani haqida xabar tarqatgandi. Shuningdek, frantsiyalik futbolchi 7 million evro yillik maosh bilan 6 yilga mo'ljallangan shartnomaga imzo chekishi haqida xabar berilgandi.

Mbappe yakunlangan mavsumda barcha musobaqalar doirasida 44ta o'yinda maydonga tushib, 26ta gol urdi va 14ta golga uzatma berdi.