"Lion" klubining argentinalik himoyachisi Emanuel Mammana "Zenit" bilan shartnoma imzoladi.

"Sport-Ekspress" xabariga ko'ra, futbolchining transferi uchun piterliklar 16 mln evro to'ladi. Natijada u Domeniko Krishito, Samba va Mario Fernandesni ortda qoldirib, Rossiya futboli tarixidagi eng qimmat ikkinchi himoyachiga aylandi.

Bu boradagi rekord Brunu Alveshga tegishli bo'lib, futbolchi 2010 yilda "Portu" klubidan "Zenit"ga 22 mln evro evaziga o'tgan edi.