Avval «Yuventus»da o'ynagan «Bavariya» yarim himoyachisi Arturo Vidal Italiya A seriyasiga qaytishi mumkin.

Ma'lumotlarga qaraganda, 30 yoshli chililik futbolchi «Inter» bilan 4 yillik shartnoma borasida kelishuvga erishdi. Unga ko'ra Arturo yiliga 7,5 million evro maosh oladi.

Avvalroq milanliklar Vidal uchun «Bavariya»ga 50 mln. evro berishga tayyor ekani haqida xabar tarqalgandi. Ammo myunxenliklar uni qo'yib yubormoqchi emas.