«Roma» klubi «Lester» yarim himoyachisi Riyod Mahrezni qo'lga kiritish yo'lida tinib-tinchimayapti.

Rimliklar 26 yoshli futbolchi transferi borasida ikkita taklif yuborishga ulgurdilar, biroq ular «Lester»ni qoniqtirmadi. Birinchi marta «Roma» 32 mln evro va 3 mln bonus pullari taklif qildi, keyinchalik esa shunchaki 35 mln evro.

Italiyalik jurnalist Janluka Di Martsioning xabar qilishicha, «Roma» sport direktori Monchi jazoirlik o'yinchi uchun 40 mln evro sarflashga tayyor. «Lester» o'z etakchisi uchun aynan shuncha so'ragandi.