«Milan» klubi «Torino» hujumchisi Andrea Belottini qo'lga kiritish fikridan qaytgani yo'q.

Milanliklar 23 yoshli futbolchi uchun 75 mln evro va unga qo'shib M'Baye Nyangni ham qo'shib berishga tayyorlar, deya xabar qilmoqda Football Italia nashri.

Avvalroq, «Torino» klubi «Milan»ning Belotti borasidagi bir nechta taklifini rad etgan edi. Futbolchining shartnomasida tovon puli 100 mln evro qilib belgilangan, biroq bu band faqat chet el klublari uchun amal qiladi.

O'tgan mavsumda Belotti A Seriyaning 35 uchrashuvida maydonga tushib, 26 golga mualliflik qilgandi.