"Barselona" sardori Andres Inesta 2018 yil yozida jamoani tark etishi mumkin.

33 yoshli yarimhimoyachi "blaugranas" bilan hamon yangi shartnoma imzolamadi.

Ispaniya matbuotining xabariga ko'ra, "Nitstsa" yarimhimoyachisi Jan-Mishel Serining kataloniyaliklar safiga kelib qo'shilishi Inestaning ketishiga sabab bo'lishi mumkin.
Ivuarlik futbolchi Valverde taktikasining muhim bo'g'imiga aylansa, Inesta zaxira o'rindig'iga mixlanib qoladi, deb yozmoqda AS.

Agar Koutino ham tarkibga qo'shilsa, Inestaning "Barsa"dagi faoliyatiga nuqta qo'yiladi. Mundo Deportivo xabariga ko'ra, u Xitoy yoki Qatar chempionatiga ko'chib o'tishi ham mumkin.

"Barselona" rahbariyati esa u bilan yangi shartnoma imzolashga tayyor ekanini ma'lum qilgan. Ammo maoshini ancha qisqartirilgan holida.