"PSJ" yaqin orada "Monako" hujumchisi Kilian Mbappening transferini amalga oshirishi kerak. 18 yoshli futbolchi uchun parijliklar 150 mln evro hamda 30 mln evro turli ko'rinishdagi bonuslarni to'lashadi.

Ammo bunday transfer moliyaviy feyr-pley qoidasining buzilishiga olib keladi va "PSJ" jiddiy tarzda jazolanishi mumkin.

Shu bois, "PSJ" rahbariyati mazkur muammoni chetlab o'tish yo'lini topdi: jamoa "Monako" bilan 2017/18 yilgi mavsum oxirigacha Mbappeni ijaraga olish bo'yicha kelishmoqchi. Kelasi mavsumda esa Kilianning transferi to'liq sotib olinadi.

"PSJ" transfer mablag'ining bir qismini ijara puli sifatida mazkur yozda to'lab beradi. Kilian Mbappe ertaga, 28 avgust kuni "PSJ" a'zosiga aylanishi kutilmoqda.