"Arsenal" bosh murabbiyi Arsen Venger "Manchester Yunayted"ga tegishli bo'lgan yosh darvozabon Din Xendersonni kuzatib bormoqda. Uning «MYu» bilan shartnomasi kelasi yilning yozida yakuniga etadi.

Hozirda ushbu darvozabon Liga-1 vakili «Shryusberi» safida o'ynamoqda. «Yunayted» esa unga yangi shartnoma taklif qilmasligi mumkin.

Xenderson Angliyadagi eng iqtidorli posbonlardan biri hisoblanadi. U Angliya yoshlar terma jamoasi tarkibida jahon chempionligini qo'lga kiritdi. «Arsenal»dan tashqari Din Xendersonni «Benfika» klubi ham kuzatib bormoqda.