Londonning “Arsenal” klubi hujumchisi Aleksis Sanches “Real” futbolchisiga aylanishni istamoqda. Bu haqda Ispaniya OAVlari xabar berdi.

Mish-mishlarga ko'ra, chililik futbolchi “Arsenal” bilan shartnomani uzaytirmasdan, “Real”ga o'tishi uchun hatto maoshi pasaytirilishiga ham rozi bo'lishga tayyor.

Eslatib o'tamiz, Sanches va “Arsenal” o'rtasidagi kelishuv 2018 yilga qadar davom etadi. Sanchesda shartnoma muddatini yakunlagach, boshqa klubga erkin agent sifatida ketish imkoniyati paydo bo'ladi.

Biroq londonliklar futbolchini transferlar mavsumida mo'maygina pul evaziga sotishni istashmasa, katta ehtimol bilan Aleksis ozod agentga aylanadi va istagan jamoasiga borib qo'shiladi.