"Real" bosh murabbiyi Zayniddin Zidan jamoa yarim himoyachisi Luka Modrichning ushbu mavsumdagi formasidan qoniqish hosil qilmayapti. Murabbiy klub rahbariyatiga xorvatiyalik futbolchining o'rniga boshqa nomzod topish kerakligini "shipshitgan".

Bu borada Zidan o'z e'tiborini «Tottenxem» yarim himoyachisi Dele Alliga qaratmoqda. Frantsiyalik mutaxassisning fikricha, Alli keyinchalik Modrichning o'rnini ajoyib tarzda bosa oladi.

Ma'lumotlarga qaraganda, «Real» kelasi yilning yozida Allining transferi borasida «Tottenxem»ga taklif yuboradi. Futbolchining o'zi esa "shporlar" safida olayotgan maoshidan norozi bo'lmoqda.