«Arsenal» yarim himoyachisi Mesut O'zilga «Barselona» qiziqish bildirmoqda.

Kataloniyaliklar «Liverpul» yarim himoyachisi Filippe Koutinoni qo'lga kirita olmasalar, o'z e'tiborlarini 29 yoshli germaniyalik futbolchiga qaratadi.

O'zilning londonliklar bilan shartnomasi 2018 yilning yozida yakuniga etadi. «Arsenala» bosh murabbiyi Arsen Venger qishki transfer paytida Mesut sotilishi mumkinligini istisno qilmadi.

O'zil Evropa chempionlar ligasining ushbu mavsumida ishtirok etmagan. Bu jihat «Barselona» uchun qo'shimcha qulaylik yaratishi mumkin.

Mesut O'zil APLning ushbu mavsumida «Arsenal» safida 9ta o'yinda maydonga tushib, 1ta gol urdi va 2ta golga uzatma berdi.