«Real» Benzemaga o'rniga boshqa hujumchi olib kelish haqida o'ylamoqda. Madridliklar «Manchester Siti» forvardi Serxio Agueroning xizmatiga qiziqish bildirmoqda. Bu haqda Don Balon xabar tarqatdi.

«Qaymoqranglilar» argentinalik futbolchi uchun 60 million evro taklif qilishmoqchi. "Qirollik klubi" ushbu transferni kelasi yilning yozida amalga oshirishmoqchi. "Shaharliklar" Agueroni qo'yib yuborishga qarshi emas, agar uning o'rniga boshqa hujumchini qo'lga kiritsalar.

Manbaga ko'ra, «Manchester Siti» klubi «Arsenal» hujumchisi Aleksis Sanches bilan shartnoma imzolasa, Gvardiola Agueroning ketishiga qarshilik bildirmaydi.

Aguero Angliya premer-ligasining ushbu mavsumida 8ta gol urishga muvaffaq bo'ldi.