"Manchester Yunayted"ning chap qanot himoyachisi Lyuk Shou "Tottenhem" qiziqishlari doirasiga tushib qoldi.

Londonliklar angliyalik 22 yoshli futbolchini qishki transferlar chog'ida sotib olmoqchilar.

Shou "shporlar" bosh murabbiyi Maurisio Pochettino bilan "Sautgempton"dagi hamkorlikdan yaxshi tanish. Ammo bu transferga "Tottenhem"dagi past maosh halaqit berishi mumkin.

Avvalroq, "MYu" Shouni 20 million funtga sotishga tayyorligi xabar qilingan edi.

Manchesterliklar, o'z navbatida "Tottenhem"dan chap qanot himoyachisi Denni Rouzni sotib olmoqchilar. Futbolchi bilan Pochettinoning munosabatlari yaxshi emas.

Bundan tashqari 27 yoshli futbolchi avgust oyida klubning transfer siyosatini tanqid qilgan, shundan beri u maydonga bir marta tushgan, xolos.