Dortmundning "Borussiya" klubi hujumchisi Per-Emerik Obameyang faoliyatini Xitoy klublaridan birida davom ettirish haqida o'ylamoqda.

Calciomercato tarqatgan xabarga ko'ra, Xitoyning ikkita klub gabonlik futbolchining xizmatlariga qiziqish bildirmoqda. Gap mamlakatning kuchli jamoalaridan biri «Guanchjou Evergrand» va ushbu mavsumda bronza medalini qo'lga kiritgan «Tyantszin Tsyuantszyan» klublari haqida ketmoqda. Har ikkala jamoa yanvar oyida futbolchini xarid qilishga tayyor.

Dortmundliklar rahbariyati futbolchiga nisbatan intizomiy jazo qo'llab, uni «Shtutgart»ga qarshi o'yindan chetlatgani uchun Obameyang jamoadan xafa bo'ldi.

Yozda hujumchiga Angliyaning «Arsenal» va «Manchester Siti» jamoalari qiziqishgandi, lekin Evropa jamoalari qishki transfer paytida uni sotib olishni rejalashtirishmayapti. Obameyang va "Borussiya" o'rtasidagi shartnoma 2020 yilga qadar tuzilgan.