«Atletiko» klubi rahbariyati «Chelsi» darvozaboni Tibo Kurtuani sotib olishga harakat qilib ko'rmoqchi, deya xabar qilmoqda AS nashri.

Eslatib o'tamiz, 25 yoshli futbolchi 2011-2014 yillar oralig'ida madridliklar safida ijarada harakat qilgan.

Agar Yan Oblak «Atletiko»ni tark etadigan bo'lsa, u holda jamoa belgiyalik o'yinchini sotib olishga urinib ko'radi. 24 yoshli sloveniyalik darvozabon xizmatlariga «Yuventus» va «PSJ» klublaridan qiziqish bor.

Oblakning «matraschilar» bilan amaldagi shartnomasi 2021 yilga qadar mo'ljallangan va uning tovon puli 100 mln evroni tashkil qiladi.