Dortmundning «Borussiya» klubi hujumchisi Per-Emerik Obameyyang qishgi transfer mavsumida jamoani tark etishi mumkin.

Mirror nashrining xabar qilishicha, gabonlik futbolchi «Chelsi» klubining qiziqishlari doirasida turibdi.

Londonliklar klubining bosh murabbiyi Antonio Konte hujum chizig'iga xilma-xillik qo'shmoqchi va Obameyangga jamoani kuchaytira oladigan futbolchilardan biri sifatida qaramoqda.

Avvalroq, «Borussiya» 28 yoshli hujumchini 60 mln evroga sotib yuborishga tayyorligi aytilgandi. Buning ustiga Obameyyang so'nggi paytlarda klub rahbariyati bilan kelisha olmayapti.

Futbolchi Bundesliganing ushbu mavsumida 12 ta o'yin o'tkazib, 11 gol va 2 ta golli uzatmaga mualliflik qilgan.