Frantsiyaning «Sarsel» klubi tarbiyalanuvchisi Aliu Traore «Manchester Yunayted» futbolchisiga aylandi. 17 yoshli Traorega klub skautlari shu yilning yozida qiziqish bildirgan edi. Angliyaliklar futbolchini sotib olishga qaror qilishdi.

«Traoreni bir muddat kuzatdik va u rostdan ham ajoyib futbolchi ekanligini namoyish qildi. U kuchli yarim himoyachi, jarima maydoni tashqarisida va uning ichida ham yaxshi o'ynay oladi.

Aliu texnik tomondan yaxshi tayyorgarlikka ega va kundan-kun o'sishda davom etmoqda» - deydi «Manchester Yunayted» klubining yoshlar jamoasi murabbiyi Kiran MakKannen.