Germaniyaning “Xoffenxaym” jamoasi bosh murabbiyi Yulian Nagelsmanning aytishiga ko'ra, klub hujumchisi Sandro Vagnerning “Bavariya” a'zosiga aylanishiga oz qoldi.

“Aldashni xohlamayman. Vagnerning “Bavariya”ga o'tishi keyingi haftada yoki yaqin kunlarda rasmiylashtiriladi”, - deydi Nagelsmann.

30 yoshli forvard ushbu mavsumda Bundesliganing 11 turida 4 gol urib, 2 marta assistent bo'ldi. Shuningdek, uning hisobida Evropa ligasida 1 tadan gol va assistentlik bor.

Oldinroq “Bavariya” amaldori Karl-Xaynts Rummenigge "Xoffenxaym” Vagner uchun juda katta mablag' so'rayotganligini ma'lum qilgandi.