“Valensiya” o'zining o'ng qanotini kuchaytirish niyatida. Klub bu borada “Barselona” a'zosi Aleysh Vidal bilan muzokaralarni davom ettirmoqda.

28 yoshli Vidal “Barselona”ga 2015 yilning yozida “Sevilya”dan o'tgandi. O'sha vaqtdan beri u 37 o'yinda maydonga tushdi. Biroq Vidal raqobatda Serxi Roberto va Nelson Semedularga mag'lub bo'ldi.

“Valensiya”da esa o'ng qanot himoyasida Martin Montoyya ham to'p surmoqda – u ham “Barselona”ning sobiq a'zosidir.

Kataloniyaliklar qishki transferlar oynasi vaqtida Vidalni sotib yuborishga qarshi emas.