“Arsenal” klubi skauti Sven Mislintat allaqachon yozgi transfer rejasini tuzishni boshladi. Chunki qishda va yozda klubni bir qancha futbolchilar tark etishi mumkin.

“Daily Mail” nashrining yozishicha, Mesut O'zil va Aleksis Sanchesning jamoani tark etishi deyarli aniq. Qolaversa, London klubi Mertezaker, Debyushi, Kasorla, Uolkott va Jiru bilan xayrlashishni istamoqda.

Ma'lumotlarga ko'ra, “Arsenal” Uelbek, Remsi va Uilsher bilan shartnomani uzaytirmoqchi edi, ammo bu futbolchilar ham jamoadan ketishni xohlashmoqda.

Mislintatning yozgi transfer rejalaridan Jan Mikael Seri (“Nitstsa”), Nabil Fekir (“Lion”), Toma Lemar (“Monako”) kabi futbolchilar o'rin olgan.