«Manchester Yunayted» va «Inter» klublari o'zaro futbolchi almashishni o'ylamoqda, gap ikki yarim himoyachi Joau Mariu va Genrix Mxitaryan haqida ketmoqda.

Corriere dello Sport nashrining xabar berishicha, mankunianliklar bosh murabbiyi Joze Mourino 24 yoshli portugaliyalik futbolchini o'z safida ko'rmoqchi.

Aytilishicha, agar almashuv sodir bo'lmasa «Inter» klubi vakillari Mariu uchun 40-45 million evro talab qilishadi. Har ikki tomon futbolchilarni yarim mavsumga almashtirish usulini ko'rib chiqishmoqda.

OAVlarida tarqalgan xabarlarga ko'ra, Angliya klubi ushbu kelishuvga Xuan Matani ham qo'shish istagi borligi yozilgan edi.