«Manchester Yunayted» yarim himoyachisi Genrix Mxitaryan katta ehtimol bilan qishda jamoani tark etadi. Unga Italiyaning «Inter» jamoasi tomonidan qiziqishlar bo'lmoqda.

Milanliklar armanistonlik futbolchining agenti — Mino Rayola bilan mazkur transferni muhokama qilishmoqda. Mxitaryanning o'zi «Inter»ga o'tishga rozilik bildirdi. Faqat bitta masala noaniqligicha qolmoqda: futbolchi ijaraga beriladi yoki butunlay transfer qilinadi.

Avvalroq «MYu» Joau Mariuni qo'lga kiritish orqali Mxitaryanni "Inter"ga berishi mumkinligi haqida xabar tarqalgandi.