Xitoyning «Xebey Chayna Forchun» klubiga o'tishi kutilayotgan «Barselona» himoyachisi Xaver Maskerano transferining ayrim jihatlariga oydinlik kiritildi.

Ma'lumotlarga qaraganda, kataloniyaliklar 33 yoshli argentinalik futbolchini 10 million evroga sotadi. Futbolchining o'zi esa yangi jamoasida yiliga 13,5 million evro maosh oladi. Bu esa Maskeranoning hozirgi maoshidan 3 baravar ko'p demakdir.

Maskerano 2010 yildan beri «Barselona» sharafini himoya qilib kelmoqda. Uning amaldagi shartnomasi 2019 yilning yoziga qadar tuzilgan.