"Manchester Siti" o'z hujumchisi Serxio Aguero bilan xayrlashmoqchi emas.

Bosh murabbiyi Xosep Gvardiola argentinalik 29 yoshli futbolchini jamoada olib qolmoqchi va har qanday holatda ham uni sotmoqchi emas.

Avvalroq Gvardiola qo'l ostida Agueroning klubdagi kelajagi xavfda ekani xabar qilingan edi. Hujumchi "MYu" (2:1) va "Napoli" (2:1) bilan printsipial uchrashuvlarda zaxirada qolgan edi.

"Tottenhem"ga qarshi uchrashuvda (4:1) Aguero boshlang'ich tarkibda maydonga tushdi, ammo 56-daqiqada almashtirildi.

Shu yilning yozida "Inter" Aguero uchun 70 mln evro taklif qilgan, ammo Gvardiola bunga rad avobini bergan edi. Bundan tashqari uni "Real"ga o'tishi mumkinligi haqida taxminlar bor.

Aguero APLning ushbu mavsumida 14 uchrashuvda 12 gol urgan va 4 golga to'p oshirgan.