«Barselona» yarim himoyachisi Arda Turon Turkiyaning «Beshiktosh» klubiga o'tishi mumkin. Istanbulliklar futbolchini o'z Vatanlariga qaytarishga harakat qilishmoqchi.

«Beshiktosh» klubi «Barselona»ning asosiy tarkibiga kira olmagan futbolchining transferi uchun 30 mln evro taklif qilmoqda. Jamoa Turonning o'ziga 5 mln evro yillik maosh bermoqchi. Bu haqda Turkiyaning Milliyet nashri xabar tarqatdi.

30 yoshli futbolchining "ko'k-anorranglilar" bilan shartnomasi 2020 yilga qadar tuzilgan. Turon ushbu mavsumda «Barselona»ning qaydnomasiga kiritilmayapti.