“Shtutgart” jamoasi murabbiylar shtabi Dortmundning “Borussiya” klubi yarim himoyachisi Andre Shyurrlening xizmatlariga qiziqish bildirmoqda, deb xabar beradi Ruhrnachrichten.

Manbaga ko'ra, “Shtutgart” futbolchini ijaraga oladi, biroq asosiy tarkibni kafolat qilmaydi.

Oldinroq futbolchining agenti Ingo Xastel Andreni muntazam o'yin amaliyotiga ega bo'lishni xohlayotganini aytdi. U yanvarda boshqa jamoalar taklifini ko'rib chiqishi kutilmoqda.

U bu mavsumda Germaniya chempionatida faqatgina 4 bahsda maydonga tushdi.

Shyurrlening “Borussiya”dagi shartnomasi 2021 yilning yoziga qadar davom etadi.