"Manchester Yunayted" yarim himoyachisi Genrix Mxitaryan Angliya chempionatida qolishi mumkin. Bu haqda Daily Star xabar tarqatdi.

Manbaga ko'ra, Angliya premer-ligasining 4ta klubi armanistonlik futbolchiga qiziqish bildirmoqda. Avvalroq "MYu" bosh murabbiyi Joze Mourino Mxitaryan transferga qo'yilishini tasdiqlagandi.

Genrix "Arsenal" safiga o'tib, Mesut O'zilning o'rnini to'ldirishi mumkin. Manba yarim himoyachiga qiziqayotgan APLning qolgan 3ta jamoasi nomini ma'lum qilmagan.

Shuningdek, "MYu" futbolchisiga "Inter" tomonidan jiddiy qiziqish bo'lmoqda. "Neradzurri" rahbariyati mazkur transfer borasida muzokaralar olib bormoqda.

2017/2018 yilgi mavsumda Mxitaryan jami 23ta o'yinda maydonga tushib, 5ta gol urdi va 5ta golga uzatma berdi. Ammo futbolchi so'nggi paytlarda zaxirada qolib ketmoqda.