Kataloniyaning “Barselona” jamoasi himoyachisi Samuel Umtiti faoliyatini boshqa klubda davom ettirishi mumkin, deb xabar beradi Daily Mail.

2016 yilning iyulida “Barselona” bilan 5 yillik shartnoma imzolagan futbolchining tovon puli 56,3 mln evroga teng. Bu summani Manchester shahrining ikki raqobatchi jamoalari – “Manchester Siti” hamda “Manchester Yunayted” kabi klublar to'lashga tayyor turishibdi.

Ayni damda Umtiti oyog'idan olgan jarohati sababli tiklanish bilan band. Bu mavsumda himoyachi Primeroning 12 uchrashuvida qatnashgan.