"Barselona" «Liverpul»dan Filippe Koutinoni sotib olganidan keyin jamoaning transferlar uchun mo'ljallangan hisob-raqamida pul qolmadi.

Marca tarqatgan xabarga ko'ra, klub ushbu mavsumda transferlar uchun jami 312 million evro sarfladi. "Ko'k-anorranglilar" bu summaga Koutino, Usmon Dembele, Paulino, Nelson Semedu, Jerar Deulofeu va Marlonni sotib olishdi. «Barselona» 226 million evroga futbolchi sotishdi (Neymar va Kristian Telo). Shuningdek, klub transferlar uchun avvaldan 60 million evro mablag'ga ega edi.

Jamoa transfer byudjeti hozirda 26 million evro defitsitga ega. «Palmeyras» himoyachisi Yerri Mina ham xarid qilinadigan bo'lsa, ushbu summa yana 12 million evroga oshishi mumkin.

Bundan tashqari, jamoaning muzey va chiptalar sotuvidan tushadigan daromad kamaygan. «Barselona» yangi homiylar topishga harakat qilmoqda, biroq Kataloniyadagi siyosiy vaziyat tufayli bu ish qiyinchilik tug'dirmoqda. Qarzlar tufayli jamoa 2018 yilda "Kamp Nou"ning rekonstruktsiyasini boshlay olmaydi.