«Arsenal» yarim himoyachisi Fransis Koklen «Valensiya»ga o'tdi. Bu haqda "ko'rshapalaklar" rasmiy sayti xabar tarqatdi.

Frantsiyalik futbolchi "Valensiya" bilan 2022 yilning iyuniga qadar shartnoma imzoladi. Shartnomada Koklenning tovon puli 80 million evro etib belgilandi.

"Valensiya" va "Arsenal" o'rtasidagi transfer shartnoma qanday summada tuzilgani ma'lum qilinmagan. Tasdiqlanmagan ma'lumotlarga qaraganda, ispan jamoasi yarim himoyachi uchun 12 million evro to'lagan.

Koklen 2018 yilda «kanonirlar»ning yoshlar jamoasi a'zosiga aylangan. Oradan 1 yil o'tib, u jamoa bilan professional shartnoma imzoladi. Fransis 10 yil ichida «Loryan», «Frayburg» va «Charlton» klublari safida ijara asosida o'ynadi.

Avvalroq «Valensiya» «Atletiko» hujumchisi Lusiano Vettoni ijara olgandi.