"Manchester Yunayted" qishki transferlar chog'ida o'z safiga hujumchi qo'shib olmoqchi.

Bosh murabbiyi Joze Mourino jamoa hujumchilari Zlatan Ibrohimovich va Romelu Lukakuning yomon holatlari sababli hujum markaziga futbolchi topa olmayapti. Markus Reshford va Antoni Marsial qanot o'yinchilari sifatida qaralmoqda.

The Times xabariga ko'ra, manchesterliklar "Arsenal" hujumchisi Aleksis Sanchesdan tashqari "Lester Siti" hujumchisi Jeymi Vardini olib kelish yoki "Vest Hem"dan Xaver Ernandes"ni qaytarish haqida o'ylamoqdalar.

Matbuot fikriga ko'ra, bu ro'yxatda eng qimmati Vardi hisoblanadi, uning transferi 35 million funtga yaqin turadi.