O'zbekiston chempionatining 4-turidan o'rin olgan uchrashuvlardan birida «Olmaliq» Toshkentning «Lokomotiv» jamoasi mehmoni bo'ladi.
Ikkala jamoaning o'zaro to'qnashuvi 2008 yildan boshlangan bo'lib, bugunga qadar ular 16 marotaba to'qnash kelishgan. 3ta uchrashuvda «Olmaliq» g'alaba qozongan, 3ta uchrashuv durang bilan yakun topgan. Qolgan 10 o'yinda esa «Lokomotiv» 3 ochko egasi bo'lgan. To'plar nisbati – 34-20 — poytaxtliklar foydasiga.
«Olmaliq» «Lokomotivga qarshi safardagi uchrashuvlarda biror marta ham g'alaba qozona olmagan. O'tkazilgan 8 uchrashuvning 7tasida mezbonlar g'alaba qozongan, bir uchrashuvda durang qayd etilgan. So'nggi marta olmaliqliklar Toshkentdan etti yil muqaddam ochko olib qaytishgan. «Lokomotiv» mezbonlik qilgan so'nggi uch uchrashuvning barchasida yirik hisobda g'alaba qozongan.
Uchrashuvda TTZ dahasidagi «Lokomotiv» stadionida 18:00da boshlanadi.
Bosh sahifaga
266