Kirish | A'zo bo'lish

O'zbekiston chempionatining 4-turidan o'rin olgan yana bir uchrashuv yakunlandi. Unda Bekobodning «Metallurg» klubi G'uzorning «Sho'rtan» jamoasini qabul qildi.

Uchrashuvning 2-daqiqasidayoq Dilmurod Karimov gol kiritib, jamoasini hisobda oldinga olib chiqqan bo'lsa, Sardor Sobirxo'jaev 19-daqiqada o'rtadagi muvozanatni tikladi. 25-daqiqada esa Doniyor Odilov jamoasini yana hisobda oldinga olib chiqdi. 39-daqiqaga kelib Islomjon Qobilov farqni ikkitagacha oshirdi.

Ikkinchi bo'limda Zohid Abdullaevga nisbatan ishlatilgan qo'pollikdan keyin belgilangan penaltini Dilmurod Karimov aniq amalga oshirdi va hisobni yirik ko'rinishga keltirgandi. Biroq hakam tomonidan qo'shib berilgan daqiqalarda Otabek Narzullaev tomonidan kiritilgan gol mehmonlarni yirik hisobdagi mag'lubiyatdan qutqarib qoldi.

Ushbu g'alaba bekobodliklarning bu mavsumdagi birinchi zafarli yurishi bo'ldi. Jamoa 3 uchrashuvda 3 ochko to'plagan, Sho'rtan esa 4 uchrashuvda 3 ochkoga ega bo'lib turibdi.

O'zPFL, 4-tur

«Metallurg» (Bekobod) – «Sho'rtan» (G'uzor) 4:2 (3:1)

Gollar: Dilmurod Karimov (2, 57-pen), Doniyor Odilov (25), Islomjon Qobilov (39) – Sardor Sobirxo'jaev (19), Otabek Narzullaev (90+2).  

«Metallurg»: Suhrobjon Sultonov, Hikmat Hoshimov, Dilmurod Karimov (Timur Usmonov, 73), Doniyor Odilov (Ayubxon No''monov, 58), Murodjon Toshmatov, Sanjar Qodirqulov (Doniyor Ismoilov, 66), Zohid Abdullaev, Mirg'iyos Sulaymonov, Islombek Isoqjonov, Islomjon Qobilov, Jahongir Abdumo'minov

«Sho'rtan»: Eldor Tojiboev, Saidkomil Akbarov, Jahongir Jiyamurodov, Ruslan Vagapov (Ma'rufxon Murodov, 61), Zafar Polvonov, Umarbek Eshmurodov, Obid Jo'raboev, Eldor Boymatov, Siroj Hamroev, Sardor Sobirxo'jaev (Igor Taran, 67), Otbek Narzullaev.

Ogohlantirish: Mirg'iyos Sulaymonov (27).

— deya xabar beradi Tribuna nashri.

Do`stlarbilan baxam ko`rish: