Kirish | A'zo bo'lish

Bugun, 6 aprel kuni Oliy Liganing 5-turi doirasida 2ta uchrashuv o'tkazildi. 

Kutilmaganda amaldagi chempion «Lokomotiv» «Sho'rtan»ga qarshi o'yinda qoqildi. «Sho'rtan» o'z maydonida 2:0 hisobida ustun keldi.

Dastlab, Umarbek Eshmurodov 17-daqiqada hisobni ochgan bo'lsa, keyin Igor Taran 78-daqiqada yakuniy hisobni o'rnatdi.

Mazkur g'alaba joriy mavsumda «Sho'rtan» uchun ilk g'alaba,  «Lokomotiv» uchun esa ilk mag'lubiyat bo'ldi.

Endilikda, «temiryo'lchilar» 4 uchrashuvdan 9 ochko jamg'argan holda birinchi o'rinda qolmoqda, «Sho'rtan» 5 uchrashuvdan 5 ochko bilan to'qqizinchi o'ringa joylashdi.

«Bunyodkor» Toshkentda «Qizilqum»ga 0:1 hisobida yutqazib qo'ydi. 41-daqiqada Ilhom Yunusov tomonidan kiritilgan gol uchrashuvda yagonaligicha qoldi.

«Bunyodkor» endilikda 4 o'yindan 5 ochko olgan holda 12-pog'onada, «Qizilqum» 5 o'yindan 6 ochko jamg'arib, sakkizinchi o'rinda joylashgan.

Oliy liga, 5-tur

«Sho'rtan» - «Lokomotiv» — 2:0

Gollar: Umarbek Eshmurodov (17), Igor Taran (78)

«Sho'rtan»: Eldor Tojiboev, Aziz G'ulomxo'jaev, Sardor Sobirxo'jaev, Jamol Otaqulov, Zafar Polvonov, Umarbek Eshmurodov, Obid Jo'raboev, Eldor Boymatov, Ma'rufxon Murodov (G'ulom Rahmonov, 73), Otabek Narzullaev, Igor Taran (Olim Karimov, 81)

«Lokomotiv»: Ignatiy Nesterov, Diyorjon Turopov, Muhammad Kone (Bobur Yo'ldoshev, 58), Salim Mustafoev (Sardor Mirzaev, 75), Islom To'xtaxo'jaev, Quvondiq Ro'ziev, Kaxi Maxaradze, Oleg Zoteev,  Ikrom Aliboev (Salomat Qutiboev, 66), Jaloliddin Masharipov, Marat Bikmaev.

«Bunyodkor» — «Qizilqum» 0:1 (0:1, 0:0)

Gol: 0:1 - 41 Ilhom Yunusov.

«Bunyodkor»: Murodjon Zuhurov, Akrom Komilov, Dilshodbek Ahmadaliev, Javlon Mirabdullaev, Dushan Michich, Otabek Shukurov, Nurullo To'xtasinov (Vadim Chemirtan, 58), Davron Umirov, Dostonbek Hamdamov, Eldor Shomurodov, Shahzodbek Nurmatov (Javohir Esonqulov, 69)

«Qizilqum»: Umidjon Xonimqulov, Shukurali Po'latov, Erkin Boydullaev, Otabek Zokirov, Fayzulla Qambarov, G'ayrat Jumaev, Sherali Jo'raev, Ilhom Yunusov, Behzod G'anijonov (Artur Gevorkyan, 71), Jasur Xasanov, Azamat Allaniyozov

Ogohlantirishlar: Dushan Michich 18, Jasur Hasanov 51, Fayzulla Qambarov 63, Shukurali Po'latov 69, G'ayrat Jumaev 85.

— deya xabar beradi Tribuna nashri.

Do`stlarbilan baxam ko`rish: