«Barselona» hujumchisi Neymar «Real»ga qarshi uchrashuvni o'tkazib yuborishi kutilmoqda. Bu haqda Marca nashri xabar tarqatdi.
Manba bergan xabarga ko'ra, Ispaniya futbol federatsiyasi hakamlik qo'mitasi Neymarni 3ta uchrashuvga diskvalifikatsiya qilishga qaror qilgan. Bunda qizil kartochka uchun standart bitta o'yin, va Neymarning o'yindan chiqib ketish jarayonida hakamlarni kinoyali olqishlagani uchun yana ikki uchrashuvga chetlatilishi ko'zda tutilgan.
Natijada, braziliyalik futbolchi «Real Sosedad», «Real» va «Osasuna»ga qarshi uchrashuvlarni o'tkazib yuborishi kerak bo'ladi.
Bu haqda rasmiy xabar yertaga beriladi. «Barselona» bu qaror yuzasidan apellyatsiya berishi kutilmoqda, ammo oxir-oqibatda bu shikoyat qondirilmaydi – chunki qoidalarga ko'ra, bunday jazolar hech bir sabab bilan bekor qilinmaydi.
Bosh sahifaga
201