Kirish | A'zo bo'lish

Frantsiyaning "Lion" jamoasi o'z uyida Turkiyaning "Beshiktosh" klubini Yevropa ligasi ¼ finali doirasidagi uchrashuvda 2:1 hisobida mag'lubiyatga uchratdi.

Mehmonlar safidan Rayan Babel 15-daqiqada hisobni ochdi. Mezbonlar yesa faqatgina ikkinchi bo'lim yakunlarida hisobni tenglashtirib, g'alabani ilib ketishdi – avvaliga Korentin Tolisso hisobni 1:1 ko'rinishiga keltirgan bo'lsa, keyinchalik Jeremi Morel o'z jamoasiga g'alaba keltirdi.

Uchrashuv muxlislarning tartibsizligi tufayli 45 daqiqadan so'ng boshlandi. Jamoalar uchrashuvi boshlanishi arafasida turkiyalik muxlislar «Lyumer» stadionida tartibsizliklarni yuzaga keltirishdi. Mehmonlar muxlislari raqib tomoniga turli xil buyumlar va fayerlarni uloqtirishgan. Natijada frantsuz muxlislari maydonga tushib ketishgan.

Bundan tashqari, stadionda ommaviy mushtlashuv yuz bergan. Javob uchrashuvi Istanbulda 20 aprel kuni bo'lib o'tadi.

Lion Frantsiya – Beshiktosh Turkiya 2:1 (0:1, 2:0)

Gollar: 0:1 – 15 Babel, 1:1 – 83 Tolisso, 2:1 – 84 Morel.

Lion – Antoni Lopesh, Rafael (Jalle, 53), Mammana, Diakabi, Morel, Tuzar, Tolisso, Gezzal (Korne, 52), Fekir, Valbuena, Lyakazett.

Beshiktosh – Fabrisio, Genyul, Marselo, Mitrovich (Uysal, 64), Toshich, Xatchinson, Oz'yakup (Arslon, 74), Babel, Taliska, Adriano, Tosun (Inler, 87).

Ogohlantirishlar: Rafael (19), Marselo (21), Lyakazett (58), Fekir (67), Jalle (73), Valbuena (80), Arslon (82).

— deya xabar beradi Tribuna nashri.

Do`stlarbilan baxam ko`rish: