Madridning "Real" klubi darvozaboni Kiko Kasilya yarim himoyachi Isko madridliklar bilan yangi shartnoma imzolashi haqida fikr bildirdi. Eslatib o'tamiz, 24 yoshli futbolchining "Real" bilan shartnomasi 2018 yilning iyunida yakuniga etadi.

"U fenomenal futbolchi va bu iqtidorini Ispaniya terma jamoasida namoyish eta oldi. Endi "Real"da ham xuddi shu ishni takrorladi.

Isko "Alaves"ga gol urgan vaziyatda ajoyib o'yin namoyish qildi. Bizga bunday futbolchilar kerak va o'ylaymanki uning uchun "Real"da bo'lish juda yaxshi holat.

Isko maydonga tushgani hamono namoyish etadigan sehrli o'yini bilan juda qadrli. Isko bizga juda kerak va u buni biladi", - deydi Kasilya.
— deya xabar beradi uff.uz nashri.