Malayziya poytaxti Kuala-Lumpur shahrida bugun, 4 aprel kuni Osiyo futbol konfederatsiyasi (OFK)ga a'zo mamlakat federatsiya (assotsiatsiya)lari bosh kotiblari konferentsiyasi start oldi. Birinchi bor tashkil qilinayotgan mazkur konferentsiyada O'zbekiston futbol Federatsiyasi Bosh kotibi Sardor Rahmatullaev ham ishtirok etmoqda. Uch kun davom etadigan tadbirni o'tkazishdan asosiy maqsad OFKga a'zo mamlakat federatsiyalari o'rtasida fikr va g'oya almashish,  hamkorlik va birdamlikni oshirishdan iborat. OFK Bosh kotibi Dato Uindsor Jon bu kabi konferentsiyani o'tkazish muhim ekanini hamda Osiyo futboli vazifalarini yaxshiroq tushunishga yordam berishini ta'kidladi. “Mazkur tadbir OFKning o'z maqsad va vazifalariga bo'lgan majburiyatini bajarishga hamda tashkilotga a'zo mamlakat federatsiyalarini qo'llab-quvvatlashga tayyor ekaniga yaqqol misol bo'la oladi. Maqsadimiz – dunyodagi etakchi konfederatsiyaga aylanib, jamoalarimizning yuqori darajada o'ynashiga yordam berish. OFKga a'zo mamlakat federatsiyalari bosh kotiblarini Kuala-Lumpurda yig'ish orqali futbolning Osiyodagi vazifalarini yaxshiroq tushunish va qo'llab-quvvatlashga ko'mak beradigan muhit yarata oldik”, – dedi Dato Uindsor Jon. 
— deya xabar beradi uff.uz nashri.