Tennischilarimizning "Devis Kubogi" doirasida Hindiston terma jamoasiga qarshi o'yinlari yakuniga etdi.
Sportchilarimiz kecha juftlik bahslarida mag'lubiyatga uchraganlaridan so'ng hisob 0:3 ko'rinishiga kelgandi va yakunda g'alaba uchun imkoniyat qolmagandi.
Bugungi bahslar esa shunchaki rasmiyatchilik uchun o'tkazildi. Shunda ham tomonlar ikkita setdagi g'alabagacha o'ynashdi.
Avvaliga Sanjar Fayziev 3:6, 2:6 hisoblarida imkoniyatni boy berdi.
Undan keyingi bahsda esa Temur Ismoilov 7:5, 6:3 hisobida g'alaba qozondi va hisobni sharmandali ko'rinishga kelishini oldini oldi.
Eslatib o'tamiz, mamlakatimizning birinchi raqamli tennischisi Denis Istomin jarohati sababli ushbu o'yinlarda qatnasha olmadi.
— deya xabar beradi uff.uz nashri.