Evropa Chempionlar ligasi yarim final ilk bahsidan o'rin olgan «Real» Madrid – «Atletiko» Madrid uchrashuvi o'z nihoyasiga etdi. «Santyago Bernabeu»da kechgan Madrid derbisida 3:0 hisobi qayd etilib, mezbonlarning g'alabasi bilan yakunlandi. Uchrashuvni hujumkor boshlagan mezbonlar 10-daqiqadayoq hisobni ochishga erishdilar, Kazemironing to'p uzatishidan so'ng Ronaldu boshi bilan darvozani ishg'ol etdi. Birinchi bo'limning o'rtalarigacha Qirollik klubi vakillari tashabbusga ega bo'ldilar va bir nechta hujum uyushtirdilar, ammo omad raqib tomonida bo'ldi. Ikkinchi bo'lim nisbatan sokinroq boshlandi va asosan yakka kurashlarga boy bo'ldi. Uchrashuvning 73-daqiqasi o'tib borayotgan bir vaqtda Benzema to'pni Ronalduga oshirib berdi, portugaliyalik hujumchi vaziyatni ko'kka sovurmadi va chiroyli usulda gol kiritishga erishdi. Oradan ko'p vaqt o'tmay yana Ronaldu o'yindagi xet-triggini nishonladi, jarima maydoniga yorib kirgan Lukas Vaskes to'pni Ronalduga mukammal tarzda tashlab berdi, Krishtiano to'pni to'xtatib o'tirmay darvozaga yo'lladi va «Real»ga yirik hisobdagi g'alabani keltirdi. EChL. Yarim final, ilk uchrashuv Real Madrid Ispaniya – Atletiko Ispaniya 3:0  Gollar: 1:0 – 10 Ronaldu, 2:0 – 73 Ronaldu, 3:0 – 86 Ronaldu. Real Madrid – Navas, Varan, Marselo, Karvaxal (Nacho, 46), Ramos, Modrich, Kazemiro, Isko (Asensio, 68), Kroos, Benzema (Vaskes, 78), Ronaldu. Atletiko – Oblak, Godin, Filipe Luis, Savich, Lyuka Ernandes, Saul (Gaytan, 58), Gabi, Koke, Ferreyra Karrasko (Korrea, 68), Grizmann, Gameyro (Torres, 57). Ogohlantirishlar: Koke (26), Isko (48), Saul (53), Savich (83).
— deya xabar beradi uff.uz nashri.