UEFA Xorvatiya va Chexiyada bo'lib o'tayotgan yoshlar va qizlar o'rtasidagi Evropa chempionatida (U-17) penaltilar seriyasining yangi tizimini sinovdan o'tkazmoqda. Tizim ABBA nomini oldi. Unga ko'ra jamoalar penaltini avvalgidek navbat bilan tepmaydilar. Birinchi penalti tepilganidan so'ng, ikkinchi jamoa ketma-ket ikki bor zarba berish imkoniyatiga ega bo'ladi, so'ngra birinchi jamoa ham ikkita penaltini ketma-ket tepadi va hokazo. Bunda ikki tomondan amalga oshiriladigan zarbalar avvalgidek beshtaligicha qolaveradi. Aytilishicha, ushbu tizim penaltilar seriyasida yuzaga keladigan psixologik bosimni pasaytirishga yordam beradi. Hozirda, UEFA seriyani boshlagan jamoalarda ruhiy ustunlik bo'lishi va statistika bo'yicha 60 % holatda aynan penaltilar seriyasini boshlab bergan jamoa g'olib bo'lishidan norozi bo'lmoqda.
— deya xabar beradi uff.uz nashri.