Bugun yarim tunda “Manchester Yunayted” Ispaniyaning Vigo shahrida Evropa Ligasining ilk yarim final o'yinida “Selta” mehmoni bo'ladi. Qiyin taqvim va dahshatli jarohatlarga qaramay, “qizil iblislar” aprel oyini yomon yakunlashmadi. Joze Mourino jamoasi Evropa Ligasi chorak finalida “Anderlext”ni engdi va Angliya Premer-ligasining top-4 jamoasdan atigi bir ochko ortda qolmoqda. Ko'rinishidan, “Yunayted” vakillari har ikki musobaqada raqobatga kirisha oladi. Mourinyu o'yindan oldin o'tkazilgan matbuot anjumanida mavsum oxiridagi rejalarini aytib o'tdi. Joze Evropa Ligasida g'alaba qozonish uchun hamma narsadan voz kechishga roziligini bildirdi. “Yunayted” tarixida bu sovrinni qo'lga kiritmagan va bu portugaliyalik murabbiyni yanada ilhomlantirmoqda. Hatto Mourinyu yakshanba kungi “Arsenal”ga qarshi uchrashuvda bir necha o'yinchilariga dam bermoqchi ekanini ta'kidladi va harakati bilan va-bankka bormoqchi. Tez orada bu tavakkal ish beradimi yo'qmi bilib olamiz. “Yunayted” va “Selta” oldin evrokuboklarda to'qnash kkelishmagan. “Yunayted” hali Evropa Ligasi/UEFA Kuboglarining yarim finaliga chiqmagan. Bu sovrin “iblislar” tarixida ega bo'lmagan yagona sovrindir. “Selta” ham ilk bora Evropa Ligasi yarim finalida ishtirok etmoqda. Oldin ular 3 marotaba 1/4 bosqichda mag'lub bo'lishgan. “Yunayted” tarkibiga Fil Jons, Kris Smolling va Erik Bayi safga qaytishgan bo'lsa Xuan Mata va Pol Pogba bo'lsa ham maydonda 90 daqiqa to'p sura olmaydi. Lyuk Shou, Markos Roxo va Zlatan Ibrohimovich uchun bu mavsum o'z nihoyasigi etdi. Maruan Fellayni ichki chempionatda diskvalifikatsiyaga ega, Evropa Ligasida maydonga tusha oladi. Evropa Ligasi 1/2final birinchi uchrashuv. “Selta” (Ispaniya) – “Manchester Yunayted” (Angliya) Vigo. “Baladios” stadioni. 00:05 (Toshkent vaqti bilan).
— deya xabar beradi uff.uz nashri.