Ispaniya chempionatining 37-turidan o'rin olgan «Las-Palbmas» – «Barselona» uchrashuvi o'z yakuniga etdi. Unda 1:4 hisobi qayd etilib, mehmonlarning g'alabasi bilan tugadi. Uchrashuvning 25-daqiqasida Neymar Luis Suaresning to'p uzatishidan so'ng hisobni ochgan bo'lsa, oradan ikki daqiqa o'tib urugvaylik hujumchi o'z hisobiga ham gol yozib qo'yishga erishdi. Mehmonlar ikkinchi bo'limni ham faol boshladilar va birin-ketin hujum tashkil eta boshladilar. Biroq uchrashuvning 63-daqiqasida «Las-Palbmas» qarshi hujumdan unumli foydalandi va Pedro Bigas hisobni qisqartirdi. Ammo, oradan to'rt daqiqa o'tar-o'tmas Neymar o'zining ikkinchi va kataloniyaliklarning uchinchi golini kiritdi. 71-daqiqada esa Neymar o'yindagi xet-triggini nishonladi. «Barselona» (87 ochko) ushbu g'alabadan so'ng musobaqa peshqadamligini saqlab qoldi. Ispaniya chempionati 37-tur Las-Palmas – Barselona 1:4  Gollar: 0:1 – 25 Neymar, 0:2 – 27 Suares, 1:2 – 63 Bigas, 1:3 – 67 Neymar, 1:4 – 71 Neymar. Las-Palmas – Varas, Lemos, Elder Lopesh, Masedo, Bigas, Boateng, Momo (Xalilovich, 72), Viera (Kastelyano, 85), Mesa, Xese, Montoro (Santana, 78). Barselona – ter Stegen, Umtiti, Alba, Din (Andre Gomesh, 58), Marlon, Rakitich (Denis Suares, 79), Buskets, Inesta, Neymar, Messi, Suares. Ogohlantirish: Din (6).
— deya xabar beradi uff.uz nashri.