Dortmundning “Borussiya” klubi hujumchisi Per-Emerik Obameyang Bundesliganing so'nggi 34-turida “Verder” darvozasiga ikkita gol urdi. Gap shundaki, 27 yoshli futbolchi ilk marta Germaniya chempionatining to'purariga aylandi. Ma'lumot uchun, Obameyang joriy mavsum 32 uchrashuvda maydonga tushib 31 ta gol muallifiga aylandi. “Bavariya” to'purari Robert Levandovskining hisobida esa shuncha o'yinda 30 gol mavjud. Qo'shimchasiga, “Borussiya” tarkibida bundan 51 yil muqaddam Lotar Emmerix bir mavsumda 31 ta gol urgandi.
— deya xabar beradi uff.uz nashri.