“Paxtakor” bilan O'zbekiston  Kubogi-2017 1/8 finali dastlabki uchrashuvi nihoyasiga etgach, “Nasaf” ustozi Ro'ziqul Berdiev o'yin haqidagi quyidagi fikrlarni bildirdi.
-Avvalo futbolchilarimizga minnatdorchilik bildiraman, yigitlarimiz juda tartibli harakat qilishdi va ko'rsatmalarimizni to'liq amalga oshirishdi. O'ylaymanki, bugungi g'alabaga mana shular omil bo'ldi. Bugun o'yinimizga ozgina o'zgartirish kiritdik, ya'ni maydonda futbolchilarimizning joylashishi, bu ham bizga bugun foyda keltirdi. Bu o'zgarishlar raqibimiz uchun ham noqulay bo'ldi. Hali oldinda javob o'yini bor, ammo bari-bir bugungi ishonchli g'alabadan xursandmiz.
Biz ham, “Paxtakor”dek har o'yinda deyarli bir xil tarkib bilan o'ynayapmiz, To'g'ri, ba'zan kichik o'zgarishlar ham qilamiz. Bugungi taktikamizni keyinchalik ham rivojlantirishga harakat qilamiz. Bugungi uchrashuvga puxta tayyorgarlik ko'rgan edik, raqibni ham yaxshi urganib, kuchsiz tomonidan unumli foydalanishga harakat qildik. Bugun uchta gol urishni o'ylaganimiz yo'q edik, ammo mavjud imkoniyatlardan foydalana oldik. Javob o'yinida ham ijobiy natija uchun harakat qilamiz.
— deya xabar beradi uff.uz nashri.