Turinning “Yuventus” klubi ijrochi direktori Juzeppe Marotta “Real”ga qarshi o'yin oldidan fikrlari bilan o'rtoqlashdi. Eslatib o'tamiz, turin klubi Chempionlar Ligasi final bahsida “qirollik klubi” bilan to'qnash keladi. Marottaning ta'kidlashicha, italiyaliklar o'z raqibidan umuman qo'rmaydi. “Yuventus” “Real”ni hurmat qiladi. Lekin bu hurmat, biz ulardan qo'rqishimizni anglatmaydi. “Yuventus” hozirgi darajasiga haqli ravishda loyiqdir. Biz Chempionlar Ligasi finaliga ikki yil avvalgidan ko'ra yaxshiroq tayyorlikga egamiz. Jamoamiz tarkibida haqiqiy chempionlar to'p suradi”, - deydi Marotta Mediaset Premium nashriga bergan intervyusida. Final uchrashuvi 3 iyun kuni Kardiff shahrida bo'lib o'tadi.
— deya xabar beradi uff.uz nashri.