Bugun millionlar o'yini deganda faqat erkaklar emas, ayollar ham ko'z oldimizda gavdalanadi. Chunki ayni damda ko'plab ayollar ham futbol sohasida faoliyat olib borishyapti. Galdagi sahifamiz qahramoni, germaniyalik Bibiana Shtaynxaus ham hayotini futbolsiz tasavvur qila olmaydi. Aslida, politsiya xodimi bo'lgan bu ayol ayni damda Germaniyada futbol hakami sifatida ham faoliyat olib boradi. Qisqacha ma'lumot: Tug'ilgan yili: 1979 yil, 24 mart. Tug'ilgan joyi: Bad-Lauterberg, Germaniya. Millati: nemis Xalqaro toifadagi FIFA hakami FUTBOLChILIKDAN HAKAMLIK SARI Bibiana Shtaynxaus 1979 yilning 24 martida Bad-Lauterbergda tavallud topgan. U bir vaqtning o'zida Gannover politsiyasi xodimi va futbol hakami sifatida faoliyat olib boradi. Bibiana 1995 yilgacha «Bad-Lauterberg» jamoasida to'p suradi. Ammo 1995 yilda, ya'ni 16 yoshga to'lganida otasining maslahati bilan hakamlik qila boshlaydi. Biroq, baribir, futbolchilikdan ko'ngil uza olmagan qiz hakamlik qilish bilan birga, quyi Saksoniya politsiyasi jamoasida himoyachi sifatida to'p suradi. DASTLABKI MUVAFFAQIYaTLAR 1999 yilda u Germaniya kubogi va ayollar futboli o'yinlarini boshqara boshlaydi. Oradan ikki yil o'tgach esa u barcha ligalardagi o'yinlarni boshqaradigan darajada tajribaga ega bo'ladi. 2003 yildan boshlab Shtaynxaus ikkinchi ligada bosh hakam yordamchisi sifatida ishlaydi. 2003 yilning may oyida u «Frankfurt» va «Duysburg» o'rtasidagi Germaniya kubogi final o'yinini boshqaradi. 2005 yilda Shtaynxaus FIFA hakami litsenziyasini qo'lga kiritdi, bu esa unga bir qancha xalqaro matchlar va Ayollar futbol ligasidagi o'yinlarni boshqarish huquqini berdi. Ikkinchi ligadagi o'yinlarni muvaffaqiyatli boshqargan Bibiana 2007 yilda ommaviy axborot vositalari e'tiboriga tushdi. Germaniya hakamlar qo'mitasi raisi Folker Rot esa bu ayolning hakamlik salohiyatiga shubha qilmasligini ta'kidladi. Shtaynxaus Germaniyada ayollarning hakamlik qilishi mumkinligini isbotlab berdi. Uning maydondagi harakatlari OAV xodimlari tomonidan diqqat bilan kuzatib borilardi. O'ZIGA XOS MAShHURLIK To'g'ri, Germaniya chempionati tarixida shu paytgacha ayol hakam bo'lgan, ammo u uzoq faoliyat olib bormagandi. Tabiiyki, Bibianada oldingi hamkasbining ishini takrorlamagan holda uzoq muddat hakamlik qilish va nomini Germaniya futboli tarixiga muhrlash uchun yaxshigina imkoniyat bor edi. Diqqatga sazovor jihat shundaki, Shtaynxaus ayol hakam sifatida anchagina mashhurlikka erishdi. 2007 yilning sentyabr oyida u Ikkinchi liga doirasidagi «Paderborn 07» va «Xoffenxaym» (0:2) o'rtasidagi matchda ishladi. U mazkur o'yinda zaxira hakami sifatida faoliyat yuritdi. 2008 yilning noyabrida esa Chilida bo'lib o'tgan qizlar o'rtasidagi yoshlar jahon chempionatida bitta o'yinni boshqardi. 2009 yilning 23 avgustidan 10 sentyabrigacha Bibiana Finlyandiyadagi Evropa chempionatida ishladi, S guruhidagi ikkita o'yin va chorak final matchlaridan birini boshqardi. 2010 yilning 13 iyulidan 1 avgustigacha esa Germaniyada bo'lib o'tgan qizlar o'rtasidagi jahon chempionatida hakamlik qildi. 2012 yilda Bibiana Londonda o'tkazilgan Olimpiya o'yinlari doirasidagi futbol musobaqasi finalini boshqardi. Hobbisi: sport bilan shug'ullanish, kitob mutolaa qilish va sayohatga chiqish. YuTUQLARI Gannoverda 2007 yilda yil sportchisi deb topilgan. 2007, 2008, 2009 va 2010 yillarda yilning eng yaxshi hakami nomini qo'lga kiritgan. «SPORT BILAN ShUG'ULLANGANIM YoRDAM BERGAN» Bibiana har doim jurnalistlarning diqqat markazida turadi. Shundanmi, intervyulari Germaniyada nashr etiladigan gazeta va jurnallarda tez-tez bosilib turadi. Ta'kidlash kerak, uning fikrlari har doim o'ziga xos va qiziqarli bo'lgan. Xususan, u «Die Welt» nashriga bergan intervyusida Bibiana futbol hakami sifatida faoliyat olib borayotganini quyidagicha izohlagan: Davomi
— deya xabar beradi uff.uz nashri.