1news.uz — Shu kunlarda Toshkentda  angliyalik charm qo'lqop ustalari  bizning bokschilarimiz bilan birga o'quv-mashq mashg'ulotlarini olib borishmoqda. E'tibor bering, Angliya boks turining Vatani hisoblanadi. Shunday bo'lsa-da Angliya boks federatsiyasi iltimosiga ko'ra, ushbu davlat sportchilari shu yilning 2 iyuniga qadar Toshkentda navbatdagi Evropa chempionatiga tayyorgarlik ko'rishmoqda. Bunga, albatta, o'tgan yili bokschilarimizning Rio-de Janeyro shahrida o'tkazilgan Olimpiya o'yinlarida ko'rsatgan olamshumul natijalari sabab bo'ldi. Angliya nafaqat boks, balki futbolning ham Vatani hisoblanadi. Angliya terma jamoasi O'zbekiston futbol federatsiyasiga qachon Angliya boks federatsiyasi kabi ana shunday iltimos bilan chiqadi? Futbolchilarimizga bokschilarimizning muvaffaqiyatlarini takrorlash uchun nima etishmayapti? Axir bokschilarimizni xorijlik mutaxassislar emas, aynan o'zimizning milliy murabbiylarimiz ana shunday yuksak darajada tarbiyalab bera olishdi-ku?! Xabarning tafsilotlari bilan 1news.uz saytida ushbu havola orqali tanishing.
— deya xabar beradi uff.uz nashri.